Во близината на Мексико Сити
„Ла каса органика“ во близината на Мексико Сити, која е изградена во 1985 година, дури и денес привлекува возбудливи воздишки исто како кога е изградена. Мексиканскиот архитект Хавиер Сеносиаин Агилар, кој е познат по своите згради инспирирани од органскиот свет, е одговорен за проектот.
Оваа куќа е делумно под земја и е покриена со тревна обвивка и се чини како нешто што доаѓа од некоја далечна, но убава димензија. Хавиер ги имал предвид основните човечки потреби кога го создал ова место, а тоа се потребата за храна, спиење и социјален живот. Тој успеа да го исполни сето тоа преку овој експериментален дизајн.
„Ла каса органика“ произлегла од идејата за создавање место што би било приспособено на човековите потреби со целосно почитување на животната средина, земајќи ги предвид потеклото, природата и историското наследство. Формите се позајмени од природата, па просториите изгледаат како игло, пештери, но исто така и како матка и мајчини раце подготвени да прифатат новороденче. За да можат посетителите да стигнат до централниот дел, односно до дневната соба, тие мора да се спуштат низ спирален тунел што води кон центарот на куќата. Внатрешноста е намерно многу намалена и нема детали, мебелот е всушност интегриран, тепих во боја на песок го покрива подот за да создаде илузија дека е земја.
Првично, куќата имала само една спална соба, но како што се ширело семејството на архитектот, така се проширила и куќата. Живеел таму со своето семејство 25 години, пред куќата да се отвори за тури. Тунелите што Хавиер ги додал во новите простории биле инспирирани од изгледот на ајкулата, па затоа беа наречени „Ел тибурон“. Поголемиот дел од мебелот е направен по мера, а во дневната соба доминира златна фотелја дизајнирана од мексиканскиот уметник Педро Фридберг. Бидејќи покривот е целосно зелен, куќата е речиси незабележлива и од далечина изгледа како неколку прекрасни ридови. Покрај тој визуелен ефект, овој зелен покрив ја штити куќата од сонце, ветер и други временски услови. Ова го спречува ширењето и намалувањето на материјалот од кој е изграден, а со тоа и појавата на пукнатини и влага во внатрешноста на куќата.
И покрај фактот дека е делумно под земја, во куќата има доволно светлина што доаѓа од повеќе извори, во едниот дел има огромни прозорци по целата должина на ѕидот, а има и куполи што овозможуваат проток на светлина одозгора. Во моментов, поради пандемијата, групите посетители се ограничени на шест лица, на кои им е дозволено да останат во куќата еден час, а цената на турнејата е 480 долари. За тура е потребно претходно најавување.
