Информацијата што го привлече вниманието на светската јавност е дека славниот актер Џеки Чен наводно има коронавирус и е ставен во карантин.
За да ги отстрани сите сомнежи, херојот на многу акциски филмови објави на социјалната мрежа Инстаграм дека е здрав.
– Ви благодарам на сите за вашата загриженост! Сигурен сум и здрав и тоа многу здрав. Ве молам, не грижете се, не сум во карантин. Се надевам дека сите ќе останат безбедни и здрави – напиша Џеки Чен на својот инстаграм-профил.
Пред неколку дена се појавија информации дека Том Круз е ставен во карантин поради коронавирусот. Имено, славниот актер престојува во Венеција каде што го снима продолжението на филмот „Невозможна мисија“.
