Портрет на една млада жена кој го наслика Адолф Хитлер ќе оди на аукција следната недела со почетна цена од 60.000 евра, објави германската аукциска куќа Видлер.
Масло на платно 63 х 48 см, со потпис на Хитлер ја опишува Шарлот Лобој, француска жена со која поранешниот нацистички лидер се запознал во Франција за време на Првата светска војна. Се претпоставува дека биле во љубовна врска.
Сликата била купена од неидентификувани фламански индустријалци во 1967 година. На сликата е млада девојка со црвена марама на главата која и го засенува ликот и кошула со нежни бои со длабоко деколте која делумно ги открива градите.
Хитлер живеел од сликарството во раните 1920-ти, пред да стане нацистички лидер.
Германската аукциска куќа Видлер пред три години ја продала за 100.000 евра сликата на Баварската Нојшванштајнв на Хитлер насликана со водени бои.
