Претседателот на САД Доналд Трамп, предизвика лавина од критики откако на Твитер индиректно го навреди еден од најдобрите кошаркари на денешницата Леброн Џејмс.
Трамп реагираше на интервјуто на Џејмс дадено за Си-Ен-Ен во кое наведе дека претседателот го злоупотребува спортот за поделби меѓу луѓето.
Lebron James was just interviewed by the dumbest man on television, Don Lemon. He made Lebron look smart, which isn’t easy to do. I like Mike!
— Donald J. Trump (@realDonaldTrump) 4 August 2018
– Леброн Џејмс беше интервјуиран од страна на најглупавиот човек на телевизијата, Дон Лимон. Тој направи Леброн да изгледа паметно, што воошто не е лесно, напиша Трамп на Твитер.
Кошаркарот е познат по честите критики кон претседателот и неговата политика, а во септември 2017 година тој го нарече Трамп „губитник“ откако го откажа приемот на Голден Стејт вориорс, што Белата куќа традиционално го организира за новиот шампион во НБА лигата.
– Доаѓањето во Белата куќа беше чест се додека не се појави ти, тогаш му одговори тогаш Леброн на Трамп преку Твитер.
Претседателот воедно наведе дека ниту еден тим нема да добие покана за прием во Белата куќа, а Џејмс на сето ова одговори дека Трамп се однесува недолично за функцијата која ја извршува.
Американскиот претседател пред извесен период влезе и во конфликт со НФЛ играчите, откако побара да бидат отпуштени бидејќи го навредуваат знамето кога клекнуваат на едно колено или на друг начин одбиваат активно да учествуваат во интонирањето на химната.
