На врвовите од прстите на Апу Аркер има само мазни површини.
Апу Саркер има 22 години и живее со семејството во село во северниот округ Рајшахи на Бангладеш. До неодамна работел како медицински помошник, а неговиот татко и дедо биле земјоделци.
Мажите во семејството на Апу имаат многу ретка генетска мутиација и спаѓаат во малубројните семејства во светот кои немаат отпечатоци од прсти.
Порано на дедото на Апу, немањето отпечатоци не му било проблем.
– Мислам дека никогаш не го сфатил тоа како проблем – објаснува Апу.
Но веќе неколку децении, малите линии на нашите прсти, познати правилно како дерматоглифи, станаа најпознатите собрани биометриски податоци во светот. Ги користиме за сè, од минување низ аеродроми до гласање и отворање на паметни телефони.
Во 2008 година кога Апу сè уште бил момче, Бангладеш воведе национални лични карти за сите возрасни, а за базата на податоци бил потребен отпечаток од палецот. Збунетите вработени не знаеја како даму издадат картичка на таткото на Апу, Амал Саркер. Конечно, тој добил лична карта со забелешка „нема отпечаток“.
Оваа ретка состојба се нарекува адерматоглифија. Првпат станала позната во 2007 година, кога Питер Итин, швајцарски дерматолог, го повикала жена која имала проблеми за влез во САД.
Лицето одговарало на фотографијата на пасошот, но цариниците не успеале да најдат отисоци од прстите затоа што ги немала.
Професорот Итин по прегледот открил дека жената и осум членови од нејзиното семејство имаат рамни перничиња на прстите и намален број потни жлезди на рацете.
Соработувајќи со Елија Спрешер, исто дерматолог, и со Јана Нусбекстудентка на дипломски студии, професорот Итин прегледал ДНК-примероци на 16 членови од семејство на неговата пациентка од кои седум биле со отпечатоци, а девет без отпечатоци од прстите.
– Ваквите случаи се ретки и забележани се кај неколку семејства – изјавил професорот Итин за Би-би-си.
Во 2011 година, тимот открил дека генот SMARCAD1 мутирал кај девет членови од семејството. Тогаш за генот не се знаело речиси ништо, но се чинело дека мутацијата не предизвикала никакви други последици по здравјето освен влијанието на рацете.
– Мутацијата која ја барале со години влијаела на генот за кој ништо не се знаело. Оттаму и потребата за да го пронајдат. Мутацијата на генот зафатила многу специфичен дел од него кој очигледно немал никаква функција – вели професорот Итин.
Лекар во Бангладеш состојбата на семејството ја дијагностицирал како вродена палмоплантарна кератодермија, за која професорот Итин верува дека се развила во секундарна адерматоглифија, верзија на болеста која исто така може да предизвика сувост на кожата и намалено потење на дланките и стапалата, симптоми кои ги имале семејството Саркер.
