„Тера мадре“ во светот
Посети на фарми, конференции, едукативни активности, дегустации и многу други нешта ќе се одржуваат шест месеци низ светот, во рамките на движењето „Слоу фуд“, кое е едукативно на секој континент, организирајќи настани онаму каде што тоа го дозволуваат здравствените и безбедносните услови, за зајакнување на меѓународната заедница на одржливи производители на храна и внимателни потрошувачи.
Ова е движење што благодарение на начинот на користење на природните ресурси и донесувањето одлуки за купување поседува финансиски средства за да помогне во решавањето на најголемите кризи што ги доживува светот во моментов.
– На 16 октомври во Македонија, конзорциумот „Слоу фуд Водно“ ќе го организира првиот фестивал на филм за храна во Скопје, со покровителство на локалната самоуправа и ФАО. Фестивалот ќе се фокусира на локалните производители и нивната улога во заедницата, како и на капацитетот на институциите да ги поддржат како чувари на традицијата и биодиверзитетот – најавуваат организаторите.
Настаните почнаа во Обединетото Кралство, со петдневни виртуелни настани фокусирани на одговорот на ковид-19 од британскиот бизнис со ресторани и синџирот на снабдување со храна, одржливо одгледување школки, плус посети на фарми и проекции на филмови. Готвачите ќе организираат настани за готвење во емисии и дебати за угостителството и нивната улога во едукацијата на пошироката јавност.
– Шесте месеци на „Тера мадре“ промовираат настани што се организираат околу три теми: размислување, дегустација и промена на светот. Ноември ќе биде посветен на биодиверзитетот, со работилници и дегустации што ги истражуваат производите „Арк оф тејст“ – велат од „Слоу фуд“.
Во Куба ќе има пазар со производи од фарма, едукативни активности за здрава храна, агроекологија и гастрономија, како и конференција на експерти, која ќе се фокусира на темата храна и здравје, особено во врска со прехранбените навики на Кубанците, хигиената и чувањето на храната.
На Филипини особено ќе бидат опфатени најсиромашните заедници во големите градови, чиј пристап до храна се влошил за време на кризата во последните неколку месеци. Тие ќе добијат обука како да препознаваат локални производи и да ги користат за да направат здрави вкусни јадења.
Во Бразил главни теми ќе бидат прехранбената култура и биодиверзитетот, едукацијата и безбедноста на храната, особено во училиштата, како и политичкото влијание и мобилизацијата на граѓанското општество.
Во Уганда ќе се промовираат прехранбената култура, малите производители што работат за добра, чиста и фер храна и, се разбира, тесната врска помеѓу храната и климата.
Во Турција гостите ќе можат да уживаат во уличната храна приготвена со производите на 60 трговци-учесници.
Голем број активности се организирани во Романија, меѓу кои е и вечера посветена на производите на ерменската заедница и другите што ги комбинираат романските, унгарските, саксонските, ерменските и еврејските гастрономски традиции на земјата.
Мексико го слави биодиверзитетот на пченката со конференција „Што ни дава нашата земја“…
