Едно од познатите уметнички дела на јапонската уметница Јајои Кусама – „Бесконечна огледална соба“, кое го следи правилото „самослик за само 30 секунди“, спроведено за да ги спречи луѓето да прават многу фотографии, сега е достапно на интернет, преку проектирано видео од самото популарно дело. Станува збор за соба, која е осветлена со разнобојни светла што се рефлектираат во огледалата и создаваат ефект на галаксија, за да се создаде перцепција за стоење во бесконечен простор. Делото ќе биде платформирано од музејот „Д броад“ со седиште во Лос Анџелес. Делото ќе биде придружено од специјално курирани музички композиции како дел од серијата „Бесконечен дрон“, а галеријата редовно ќе избира различни звуци.
– Искористете ја можноста да се внесете во духовните аспекти од Кусамовото истражување на вечноста. Со длабоки резови од познати музичари од Лос Анџелес и пошироко, серијата „Бесконечен дрон“ претставува нов, контемплативен начин за доживување на најпопуларните уметнички дела на „Д броад“ – најави институцијата.
Кусама, исто така, ќе биде во фокусот на ретроспектива на „Тејт“, за која е предвидено да биде отворена во мај оваа година. Иако сегашната клима можеби не го дозволува ова, на изложбата ќе бидат претставени две од бесконечните соби на јапонската уметница и се предвидува тоа да биде нејзината најголема инсталација до денес.
Јајои Кусама е јапонска современа уметница, која работи првенствено со скулптура и инсталација, но исто така е активна и во полето на сликарството, перформансот, филмот, модата, поезијата, фантастика и други уметности. Нејзините дела припаѓаат на концептуална уметност и откриваат атрибути на феминизам, минимализам, надреализам, поп-арт и апстрактен експресионизам, а наедно се исполнети со автобиографска, психолошка и сексуална содржина. Таа е признаена како една од најважните живи уметници што доаѓаат од Јапонија.
