Wonderland Theatre” подготвува нова претстава „Работи за кои не збориме” која ќе биде заснована врз лични приказни на публиката и актерите, и за таа ги повикува сите заинтересирани да ги споделат своите приказни кои би можеле да бидат инспирација за проектот.
Болка, траума, срам, осуденост, злоупотреба, безизлез, параноја, несоница, неприфатеност, лажна насмевка, крварење, изгубен апетит, брзо возење, тресење под јорган, голтање апчиња, повраќање во шолја, зјапање во празно, плачење под наочари, бегство, триење под туш, губење здив, заглавеност во момент од животот…
Дали имате некоја приказна која ви тежи и ве прогонува, а сѐ уште не сте собрале храброст да ја раскажете?
„Wonderland Theatre” започнува со подготовки на нова претстава „Работи за кои не зборуваме“, базирана на наши и ваши лични искуства кои сме ги потиснувале во себе и не сме имале храброст да ги споделиме. Вашите сведоштва/приказни ќе бидат инспирација за нашата театарска претстава, а анонимноста ќе ви биде зачувана. Театарот нѐ тера да погледнеме длабоко во себе и да го соочиме општеството со неговата искривена слика.
Преку претставата сакаме да им дадеме глас и лице на работите за кои не зборуваме и да мотивираме разговор и промена во општеството. Секоја приказна заслужува да биде раскажана, секоја стега отклучена и секоја неправда посочена.
Линкови на кои ќе можат да се споделуваат приказните:
https://www.wonderlandtheatre.org/raboti-za-koi-ne-zboruvame
https://www.wonderlandtheatre.org/gjera-per-te-cilat-nuk-flasim
Проектот е финансиран од страна на Швајцарска амбасада во Република Северна Македонија со поддршка од Министерството за култура и во соработка со Македонскиот народен театар.
