Вчера во Археолошкиот музеј беше промовирана новата дигитална платформа за епиграфика и раскажување на древни натписи „Прометеј“ (Prometheus).
Платформата нуди интерактивни мапи, слики и визуелизации на дигитално документирани натписи и споменици, приказни инспирирани од натписите, индекси за научна анализа и база на древни споменици кои се истражени, дешифрирани и дигитализирани. Сите материјали се со отворен пристап (open access), достапни за истражувачи, студенти, наставници и пошироката јавност.
Проектот е резултат на соработка меѓу институции од Македонија, Србија и Бугарија, и вклучува обуки во дигитална епиграфика, кодирање натписи и современи дигитални стандарди.
Целта на платформата е да ја истакне универзалната порака на древните текстови – нивните човечки вредности кои го поврзуваат минатото со сегашноста.
Претставување на дигиталната збирка натписи и приказни „Прометеј“
