„Ајде да си зборуваме за растенија!” е изложбата од уметницата Елена Димоска Николоска, што беше отворена синоќа во Ликовната галерија во ЦК „Марко Цепенков” во Прилеп.
На првата самостојна изложба оваа млада уметница, се претставува со дела на кои се истражува убавината и упорноста на природата, наспроти човечката летаргичност и занемарување.
– Проектот ја истакнува дијаметралната спротивност помеѓу човечкото занемарување и упорната способност на природата да ја пополни празнината.Покрај илустрирањето на човечкото занемарување, проектот покажува како природата наоѓа начин да даде цел на напуштени места, трансфирмирајќи ги во живописни градини и шуми – рече уметницата Елена Димоска Николоска, која има дипломирано на ФЛУ Скопје, каде моментно е и магистрант.
Има реализирано повеќе групни изложби, а работи како професор по ликовно образование во прилепско училиште.
Ка.М.
