Темните кругови под очите се проблем со кој се соочуваат и мажите и жените, а може да биде многу здодевен. Дури и многу познати ѕвезди не кријат дека немаат друго решение, туку прибегнуваат кон различни техники на шминкање за да ги скријат темните кругови. Бидејќи кожата на оваа област е многу чувствителна, најдобро би било да користите благи кремови или трикови со природни производи што веќе ги имате дома.
Доколку и покрај тоа, сепак не успеете да се ослободите од подочниците, посетете лекар и проверете дали се работи за генетски проблем или тоа е сигнал од телото дека нешто не е во ред.
1. Ладни ќесички чај: Еден од поефикасните трикови за борба против темните кругови околу очите се ќесичките со чај. Сварете зелен чај или чај од камилица, а откако ќе ги извадите ќесичките ставете ги во фрижидер околу 15 минути. Кога ќе се изладат, ставете ги на капаците и оставете ги околу 10 минути. Ако имате среќа, резултатите може да бидат видливи уште по првиот обид, но ако не се, повторете ја постапката неколкупати неделно.
2. Сечкана краставица: Краставица е еден од најпознатите домашни лекови за подочници околу очите. Може да помогне да се намали отокот на очните капаци, но и да направи областа да изгледа посвежо и посветло. Ставете ги круговите краставица врз очите. Оставете ги околу 15 минути, а постапката повторете ја наутро и навечер.
3. Сок од домати: Доматите содржат антиоксиданси што помагаат во борбата против темните кругови околу очите. Измешајте една лажичка сок од домати со една лажичка сок од лимон и натопете памук во овој раствор. Ставете го памукот на пределот под окото (но не премногу блиску до очните капаци) и оставете го неколку минути, а потоа измијте го. Постапката повторувајте ја неколкупати месечно.
