Од 20 до 25 октомври 2025 година ќе се одржи 62. издание на Драмскиот аматерски фестивал во Кочани. Право на учество на Драмскиот аматерски фестивал на Македонија – Кочани имаат аматерски театри, работилници, драмски секции, студија, групи и другарства, експериментални и алтернативни сцени и други форми на самостојно сценско изразување и организирање на територијата на Република Македонија и во странство, кои творат во полето на драмскиот аматеризам во категориите: театар за деца и младинци, драмски аматеризам со елементи на традиционални, модерни, авангардни и експериментални сценски изразни средства и модели.
Изборот на претставите го извршува републички изборник/селектор именуван од страна на фестивалската управа.
Истовремено беше отворен и конкурс за изработка на плакат за сите креативни и талентирани дизајнери, уметници и љубители на визуелната уметност.
