Дури четворица автори на „Македоника литера“ се кандидати за меморијалната награда „Астрид Линдгрен“ за 2025 година. Номинирани автори, од кои „Македоника литера“ има публикувано дела, се: Ѓин Бо од Кина, Хуанг Беиѓиа од Кина, Сања Пилиќ од Хрватска и Ана Хеглунд од Шведска, илустраторка (и писателка).
Меморијалната награда „Астрид Линдгрен“ е најголемата светска награда за литература за деца и млади за возрасни (заедно со наградата „Ханс Кристијан Андерсен“). Создадена е во 2002 година од шведската влада за да го промовира правото на секое дете на големи приказни.
„Македоника литера“ од овие автори ги објави следните книги: Ѓин Бо: „Мирисливата птица“ (од серијата „Најдобрата кинеска литература за деца“), Хуанг Беиѓиа: „Бадникова вечер“ (од серијата „Најдобрата кинеска литература за деца“), Сања Пилиќ: „Баш сум хепи!“ и Улф Старг, Ана Хеглинд: „Умееш ли да свиркаш, Јохана?“
