На 25. меѓународен музички фестивал „Охрид Фест – Охридски трубадури“, кој ќе се одржи од 6 до 8 септември годинава е најавено учество на над 70 пејачи.
Покрај македонските фолк и поп звезди, на фестивалот ќе настапат и познати пејачки имиња од балканските земји: Карлос( Бугарија), Жак Худек, Владо Калембер (Хрватска), Елизабет Христоу (Грција), Ален Исламовиќ (БИХ), групата „Балканика’’ (Србија), Мерима Његомир (Србија).
Според најавата, на фолк вечерта ќе настапат: Благица Павловска ,„Скопски боеми“, Петар Нечовски, Нино Величковски, Милица Кузмановска, Милован Секуловски, „Молика“, Зоран Христов, а на поп вечерта: Даниел Кајмаковски, Огнен Здравковски, Пепа, Денис Димовски, Лена, Ѓоко Ѓорчев, Жармена.
Годинава „Охридските трубадури“ ќе ги пренесуваат во живо повеќе странски телевизии, како Балканика, Бел ами, Коперникус, Тв Z1, CMC, Хајат, Визион плус, ТRT, Тв Шансона и INTV.
