Видео арт од македонскиот дигитален уметник Зоран Попоски ќе бидe прикажан на меѓународниот уметнички фестивал Трансарт Фест во Ели Центарот за современа уметност во Њу Хејвн, Конектикат во САД, кој ќе почне на 7 декември.
На фестивалот учествуваат 80 уметници од триесетина земји, меѓу кои САД, Канада, Австралија, Кина, Јапонија, Британија, Германија, Јапонија, Бразил, Аргентина, итн.
Зоран Попоски магистрирал уметност во нови медиуми во Линц и Њујорк, а докторирал студии на културата во Скопје. Има реализирано над 80 меѓународни изложби и е добитник на повеќе меѓународни награди за уметност.
