Американскиот претседател Доналд Трамп изјави денеска дека не е загрижен за неодамнешното лансирање проектили од Северна Кореја и изрази уверување дека лидерот на таа држава, Ким Џонг Ун, ќе ги исполни ветувањата што ги дал.
-Северна Кореја испука неколку мали проектили, што ги вознемири некои од моите луѓе и другите, но не и мене- напиша Трамп на Твитер.
North Korea fired off some small weapons, which disturbed some of my people, and others, but not me. I have confidence that Chairman Kim will keep his promise to me, & also smiled when he called Swampman Joe Biden a low IQ individual, & worse. Perhaps that’s sending me a signal?
— Donald J. Trump (@realDonaldTrump) 26 May 2019
Американскиот претседател е во официјална посета на Јапонија, и се очекува да разговара за севернокорејската нуклеарна програма со домаќинот, јапонскиот премиер Шинѕо Абе.
