САД ќе ги распореди системот за противвоздушна одбрана со долг дострел „Патриот” и амфибискиот воен брод „Арлингтон ЛДП-24″ во зоната на Централната команда на армијата на САД, која е задолжена за Блискиот Исток и Централна Азија.
Од Пентагон велат дека овие сили ќе им се придружат на американскиот носач на авиони „Абрахам Линколн” и на единицата борбени авиони на САД во регионот на Блиски Исток, како одговор на индикациите за зголемена подготвеност на Иран да изведе офанзивни операции против воените сили на САД и нивните интереси.
-Ние не бараме судири со Иран, но подготвени сме да ја браниме армијата на САД и американските интереси во регионот, се наведува во соопштението на Пентагон.
