Синоќа била забележана нова ерупција на вулканот Стромболи, кој се наоѓа на истоимениот италијански остров во Тиренското Море.
Според локалните жители, околу 22:45 часот се слушнала силна експлозија, по што над кратерот се издигнал столб од вулканска пепел.
Потоа, во интервал од околу 20 минути, се слушнале уште две експлозии, придружени со исфрлање на чад во воздухот.
Освен тоа, лава почнала да се излева од кратерот по западната падина на вулканот.
