Најмалку 17 лица загинаа, а 41 се повредени во Кабул, откако талибанците пукаа во воздух во чест на, како што тврдат, освојувањето на Панџшир, последната авганистанска провинција која не беше под нивна контрола.
Тоа било изјавено во Итната помош за агенцијата РИА Новости.
Претставниците на талибанското раководство ги повикаа поддржувачите да престанат да пукаат и предупредија дека на сите што ќе пукаат во воздух ќе им биде одземено оружјето, а сторителите ќе бидат изведени пред лицето на правдата.
Талибанците вчера соопштија дека ја презеле контролата врз Панџшир, но Националниот фронт за отпор на Панџшир (НРФА) ги отфрли тие тврдења.
„Сега ја имаме контролата врз целиот Авганистан. Оние што правеа проблеми се поразени и Панџшир сега е под наша контрола“, изјави еден талибански командир.
Талибанците, кои го освоија Кабул на 15 август, откако претходно го освоија поголемиот дел од земјата, се соочија со отпор во долината Панџшир, северно од главниот град, каде што неколку илјади полицајци од регионалната полиција и преостанатите вооружени сили се собраа под водство на Ахмад Масуд, син на поранешниот командант на муџахедините, Ахмад Шах Масуд.
Панџшир не беше под контрола на талибанците кога последен пат беа на власт од 1996 до 2001 година.
