Се е добро! Ракети се истрелани од Иран врз две воени бази во Ирак. Сега се извршува проценка на жртви и штети. Досега, е добро! Имаме најмоќна и добро опремена војска насекаде во светот, објави американскиот претседател Доналд Трамп на Твитер, по нападот на Иран врз воени бази во Ирак во кои се сместени војници на САД. Нападите се извршени со проектили „земја-земја”. Станува збор за најмалку две воени бази и за повеќе од 12 проектили. Нападите на воените бази се случуваат откако во петокот САД со дрон го убија иранскиот генерал Сулејмани.
Во твит пораката на шефот на иранската дипломатија Џавад Зариф пак, се наведува дека станува збор за соодветна мерка на одмазда, но оти Иран не сака војна.
Бајден: Молете се за американските трупи во странство
Не стивнуваат реакциите во САД, по нападот на Иран врз воени бази во Ирак во кои се сместени војници на САД. Нападите се извршени со проектили „земја-земја”. Станува збор за најмалку две воени бази и за повеќе од 12 проектили. Нападите на воените бази се случуваат откако во петокот САД со дрон го убија иранскиот генерал Сулејмани.
Претседателот Доналд Трамп најави обраќање до нацијата.
Сенаторката Линдзи Грем, републиканка од Јужна Каролина за „Фокс њуз“ изјави: „Ова беше чин на војна, според разумна дефиниција. Претседателот ги има сите овластувања што му се потребни согласно член ИИ за да одговори и како тој реагира допрва треба да се утврди, но тој има авторитет да одговори“, рече Грем.
Нејзина проценка е дека Трамп сега би можел да се одлучи за напади врз воени или нафтени цели.Таа додаде дека постојано е на телефонска линија со Трамп при што упати порака и до иранските власти: „Вашата судбина е во ваши раце во однос на економската одржливост на режимот. Ако продолжите со овие глупости ќе се разбудите еден ден надвор од нафтениот бизнис“, рече Грем.
Од демократскиот табор реагираа претседателските кандидати. Џо Бајден на Твитер напиша: „Ќе се воздржам да ги коментирам вестите вечерва додека не знаеме повеќе, но има едно нешто што ќе кажам: Нашите трупи и Американците во странство се во нашите молитви. Се надеваме дека и вие ќе го сторите тоа”, напиша Бајден.
Поранешниот градоначалник на Саут Бенд, Индијана, Пит Бутигиг објави дека „вечерва Американците во Ирак се нападнати. Се молам за нив, нивните најблиски и нивните семејства“.
