Девет каталонски сепаратисти се осудени од Врховниот суд на Шпанија на казна затвор од 9 до 13 години поради нивната улога во неуспешното прогласување независност во 2017 година.
Тројца други обвинети се прогласени за виновни само за непослушност и не добиле затворски казни, пренесува „Ројтерс“.
Веќе е објавено дека обвиненијата за бунт, за кои се изрекува 25-годишна затворска казна, ќе бидат претворени во поблаги обвиненија за бунт.
За време на судењето каталонските водачи се изјаснија дека се невини и дека им се судени од политички причини.
Сепаратистичките партии го повикаа народот во Каталонија на граѓанска непослушност доколку нивните водачи не бидат ослободени.
Пуџдемон: Пресудата за лидерите на Каталонија е свирепа
Поранешниот лидер на регионалната влада на Каталонија, Карлос Пуџдемон, ја нарече свирепа пресудата на Врховниот суд на Шпанија, со која каталонските водачи се осудени на затворски казни.
– Време е за реакција… за иднината на нашите синови и ќерки. За демократија. За Европа. За Каталонија – напиша Пуџдемон на Твитер.
Пуџдемон го предводеше шпанскиот регион во време кога имаше обид за прогласување независност во 2017 година за што им се суди на каталонските водачи, пренесува „Ројтерс“.
На Пуџдемон не му беше судено затоа што избега во Белгија, каде што живее во егзил.
