Европската унија ги повика Русија и Иран да помогнат да се запрат евентуалните во иднина хемиски напади на сириската армија заканувајќи се со нови економски санкции.
– Европската унија ги повикува сите држави, а особено Русија и Иран, да го искористат своето влијание за да се спречи сирискиот режим во иднина да користи хемиско оружје – се вели во соопштение од ЕУ. Тие потсетуваат дека ЕУ воведе санкции за Сирија во 2017 година и во март оваа година и оти се секогаш подготвени за понатамошни мерки.
Советот за безбеност на ОН денеска во 17 часот по средноевропско време ќе има состанок по барање на Русија за нападите во Сирија.
Во нападот биле испукани над 100 ракети, повеќето соборени од сириската ПВО, соопшти рускиот Генералштаб.
САД Франција и Велика Британија ќе поднесат денеска извештај до сојузниците во НАТО во врска со координираните воздушни удари извршени ноќеска врз позиции во Сирија.
