Украинската победа е неизбежна, но невозможно е да се предвиди кога војната ќе заврши, истакна украинскиот претседател Влaдимир Зеленски во своето обраќање до јавноста доцна синоќа.
– Многу градови и заедници сè уште се под привремена контрола на руската војска. Но, не се сомневам дека е прашање на време кога ќе ја ослободиме нашата земја – подвлече украинскиот претседател.
Според Зеленски, нема едноставен одговор на прашањето кога Украинците ќе ги победат Русите. Победата и мирот, нагласи тој, ќе дојдат побрзо, како што истакна, доколку секој Украинец се бори.
– Кога ќе победиме, сите ќе го почувствуваат тоа. Кога ќе дојде мирот, сите ќе го видат. Но, за да дојде до тоа и да се случи побрзо, треба да не размислуваме за тоа кога и како ќе биде. Мораме секој дeн да размислуваме околу тоа како да го направиме уште понеподнослив престојот на окупаторот на нашата земја – додаде Зеленски.
Украинскиот претседател смета дека „за Русија да бара мир, секој Украинец мора да се бори“.
– Тие мора да ја бранат слободата. Затоа што секој ден борба сега додава година мирен живот откако ќе заврши оваа војна – заклучи Зеленски.
