Нова дополнителна серија борбени авиони Ф-16 пристигна во Украина, соопшти украинскиот претседател Володимир Зеленски.
На онлајн прес-конференција тој ги демантираше информациите за соборување борбен авион Ф-16 од страна на Русија.
– Русите лажат дека таму собориле нешто, ништо не собориле – рече Зеленски.
Како што беше претходно објавено, на 6 февруари, Воздухопловството на вооружените сили на Украина доби засилување од првите француски борбени авиони Мираж 2000 и Ф-16 од Кралството Холандија.
