Претседателот на Украина, Володимир Зеленски денеска ја одобри кандидатурата на поранешниот врховен командант на вооружените сили на Украина, Валериј Залужни за вонреден и ополномоштен амбасадор на земјата во Велика Британија, јавија украинските медиуми повикувајќи се на Министерството за надворешни работи на Украина.
-Во четврток, 7 март 2024 година, претседателот на Украина ја одобри кандидатурата на Валериј Залужни за функцијата вонреден и ополномоштен амбасадор на Украина во Обединетото Кралство на Велика Британија и Северна Ирска. Министерството за надворешни работи на Украина го испрати соодветното барање за согласност до британската страна – се вели во официјалното соопштение на Министерството за надворешни работи на Украина.
На 8 февруари 2024 година, претседателот на Украина потпиша указ за смена на Залужни од позицијата врховен командант на украинските вооружени сили. Залужни ја извршуваше функцијата од 2021 година. Олександр Сирски стана нов врховен командант.
