Претставничкиот дом на американскиот Конгрес го усвои предлог-законот на претседателот Доналд Трамп, кој предвидува значителни даночни намалувања и кратења на трошоците во износ од 4,5 трилиони долари (3,8 трилиони евра).
За законот гласаа 218 пратеници, додека 214 беа против. Двајца републиканци им се придружија на демократите во противењето на предлог-законот.
Трамп постави краен рок до 4 јули за Конгресот да го усвои законот. Сенатот веќе го одобри предлог-законот.
Законот на Трамп, наречен „голем и прекрасен“, кој предвидува нови даночни олеснувања за богатите и трајно продолжување на даночните намалувања од 2017 година, по усвојувањето од Претставничкиот дом и сега чека потпис од Трамп.
Според Центарот за даночна политика, даночните обврзници со приходи од 1 милион долари или повеќе ќе забележат зголемување на нето-приходот по оданочување од околу 3% во сенатската верзија на законот, во споредба со националниот просек од 2,5%. Во просек, милионерите ќе имаат зголемување на приходот од 75.000 долари во 2026 година.Законот ги продолжува речиси сите клучни одредби од даночните намалувања од 2017 година, при што некои стануваат трајни, и воведува нови даночни олеснувања, особено за инвеститорите во мали бизниси.
