Украинските воени сили почнаа контраофанзива недалеку од градот Изјум, каде што ја напаѓаат клучната руска линија на напад врз источна Украина, изјави денеска регионалниот гувернер на Харков, Олех Синегубов.
– Голема и успешна контраофанзива на таа руска линија ќе резултира со тежок неуспех на Москва во битката за Донбас, источноукраински регион што Русија се обидува целосно да го окупира. Руските сили се обидуваат да се пробијат јужно од градот Изjум, обидувајќи се да ги заобиколат украинските сили кои ја држат одбраната на линијата на источниот фронт. Правецот Изjум сè уште најтешкиот дел – истакна Синегубов, додавајќи дека „непријателот се повлекува од некои фронтови“.
Украинските сили повторно зазедоа територија во североисточниот дел на земјата, одбивајќи ги руските сили од вториот по големина град во Украина, Харков.
Русија ја нападна Украина на 24 февруари, упатувајќи се кон главниот град, но не успеа да влезе во Киев, а потоа се повлече и го фокусираше своето воено напредување кон југ и регионот на Донбас.
