Украинскиот државен концерн за оружје „Укроборонпром“ соопшти дека заеднички ќе произведува и развива тешко оружје и воена опрема со најмалку шест земји-членки на НАТО, вклучувајќи ги Полска, Чешка, Франција, Данска и неколку други со кои се потпишани договори за неоткривање на податоци.
„Укроборонпром“ соопшти дека започнал со производство на муниција со калибар 122 и 152 милиметри, како и мини од 120 милиметри засновани на технологија на НАТО, што, како што се истакнува, треба да ја намали зависноста на Украина од артилериски испораки од странство.
