Киев соопшти дека Русија извршила нови ракетни напади кои предизвикале прекин на електричната енергија.
Предупредувањата за воздушен напад што се огласија низ целата земја синоќа, беа укинати во денеска наутро, јави ДПА.
Андриј Јермак, шеф на кабинетот на претседателот, рече дека проектили биле истрелани од авиони во областите окупирани од Русија во Украина.
Како мерка на претпазливост за да се спречат дополнителни штети, електричната енергија е исклучена во главниот град Киев и неговата околина, како и во индустриската област Дњепропетровск и во црноморскиот регион Одеса, соопшти енергетскиот провајдер ДТЕК.
Најмалку два проектили беа пријавени во регионот Хмелницки во западниот дел на земјата.
– Се слушна експлозија во Хмелницки. Останете во засолниште – ги предупреди луѓето воениот гувернер Серхи Хамали на Телеграм.
Набргу потоа тоа пријави втора експлозија.
Градоначалникот на Хмелницки, Александар Симчишин информира дека двајца цивили се повредени откако руски проектил погоди станбена област во западниот град Хмелницки.
Воениот гувернер на црноморскиот регион Миколаев, Виталиј Ким, на Телеграм покажа фотографија од наводна руска ракета. Тој предупреди дека два проектили го прелетале регионот на запад.
Украинските вооружени сили исто така соопштија дека две руски крстосувачки ракети Калибр биле истрелани од бродови на руската Црноморска флота.
