Пакистанската и индиската војска повторно разменија оган во спорната област Кашмир, а во престрелката се убиени седум лица, меѓу кои и едно девојче, соопштија денеска официјални лица.
Тензиите меѓу двете нуклеарни сили се зголемија по самоубиствениот бомбашки напад во индискиот дел на Кашмир во февруари, кога загинаа 40 индиски војници.
Во престрелката загинаа три пакистански војници, жител на едно село, жена и едно девојче од Индија, како и припадник на индиските паравоени сили.
Пакистанската војска соопшти дека индиските сили во текот на ноќта гаѓале нејзини позиции во пограничниот град Рахчакри, во делот на Кашмир, кој е под контрола на Пакистан.
Во соопштението се додава дека пакистанските војници „ефикасно одговориле“.
Пакистански полициски претставник наведе дека во престрелката е убиен 70-годишен жител на село во областа Нијаза Пер.
Од друга страна, индиската војска ги обвини пакистанските сили дека истрелале гранати долж спорната граница, која ја подигнале во Пунч, во дел на Кашмир, а е под контрола на Индија.
Индиската полиција наведува дека 18 цивили и пет војници се ранети.
