Американскиот претседател Доналд Трамп изјави дека војната против Иран би можела наскоро да заврши, оценувајќи дека иранските воени капацитети се сериозно ослабени, објави „Си-ен-би-си“.
Според новинарката на „Си-би-ес њуз“, Веиџија Џијанг, Трамп изјавил дека конфликтот е „практично завршен“.
– Мислам дека војната е речиси целосно завршена. Тие немаат морнарица, немаат комуникации, немаат ни воздухопловни сили – изјавил Трамп.
Тој додал дека иранските ракетни системи се сериозно ослабени, а дроновите се уништуваат на повеќе локации, вклучително и во фабриките каде што се произведуваат.
– Ако погледнете, тие практично немаат ништо останато од воена гледна точка – рекол Трамп.
По објавата на новинарката на социјалната мрежа X, американските берзански индекси забележале раст.
Трамп исто така изјавил дека конфликтот се развива многу побрзо од неговата првична проценка дека војната би можела да трае четири до пет недели.
