Новоизбраниот американски претседател Доналд Трамп го исмејуваше канадскиот премиер Џастин Трудо нарекувајќи го „гувернер на големата сојузна држава Канада“.
-Ми беше големо задоволство синоќа да вечераме со Џастин Трудо, гувернерот на големата нација Канада – рече Трамп во објавата на социјалната мрежа „Truth Social“.
Изјавувајќи дека зголемувањето на царините за 25 отсто ќе има негативно влијание врз канадската економија, Трамп му се обрати на Трудо како „гувернер на државата“ и му се потсмеваше велејќи „Резултатите ќе бидат навистина прекрасни за сите. Со нетрпение очекуваме наскоро повторно да се сретнеме со гувернерот за да можеме да продолжиме со нашите детални дискусии за тарифите и трговијата. Со нетрпение го очекувам тоа“.
Најавата на Трамп дојде откако Трудо коментираше на настанот одржан во Стопанската комора на Халифакс за негативните ефекти од зголемувањето на царините на Трамп врз американските потрошувачи.
-Мислам дека луѓето јужно од границата почнуваат да го сфаќаат фактот дека ставањето тарифи за сè што доаѓа од Канада ќе го направи животот многу поскап – рече Трудо на настанот.
Трудо се сретна со Трамп во неговата вила Мар-а-Лаго на Флорида кон крајот на ноември.
Кога Трамп ја презеде функцијата, тој најави дека ќе воведе царина од 25 отсто за сите производи кои доаѓаат од Мексико и Канада и дополнителни 10 отсто за производите кои доаѓаат од Кина.
