Шпанското обвинителство денеска објави дека започнува истрага за смртта на околу 4.500 Шпанци во нацистичките концентрациони логори каде што биле депортирани од Франција откако избегале од диктатурата на Франциско Франко.
Обвинителството сака да утврди дали постоела „заедничка стратегија меѓу шпанската диктатура предводена од (генералот) Франциско Франко и нацистичкиот режим во притворањето и последователното префрлање на илјадници Шпанци протерани во Франција во разни логори за истребување“, се вели во соопштението.
Смртта на 4.435 Шпанци во овие логори за истребување била евидентирана во матичните книги на родени и смртни случаи.
-Овие Шпанци главно биле испраќани во логорите Маутхаузен и Гузен во Австрија и Германија, каде што биле подложени на принудна работа, тортура и каде што исчезнале или биле убиени, се вели во соопштението од Одделот за човекови права и демократско сеќавање на Јавното обвинителство, кое ќе ја води истрагата.
Истрагата доаѓа во време кога се одбележува 80-годишнината од ослободувањето на концентрациониот логор Маутхаузен.
Оваа иницијатива произлегува од одредба од Законот за демократска меморија, промовиран од левичарската влада на Педро Санчез, кој беше усвоен кон средината на 2022 година.
Законот има за цел рехабилитација на жртвите од диктатурата на Франко (1939-1975).
