Нов руски напад врз украинската погранична област Чернигов вчера ја онеспособи енергетската мрежа во некои области во северниот дел на земјата, вклучувајќи го и главниот град до деактивираната нуклеарна централа Чернобил, соопштија властите.
Локалната енергетска компанија Чернигивобленерго соопшти дека последниот напад бил насочен кон електроенергетски објект, но не наведе кој.
Јуриј Фомичев, градоначалник на градот Славутич, 45 километри западно од нуклеарната централа Чернобил во Киевската област, на Телеграм соопшти дека дел од градот е без струја како резултат на нападот. Водоснабдувањето на градот е префрлено на резервна енергија, а греењето постојано работи во објектите што обезбедуваат основни услуги. Специјализирани тимови работат на враќање на струјата. Шефот на Киевскиот регион, исто така, рече дека тимовите за итни случаи работат на враќање на струјата.
Светските агенции соопштуваат дека не може независно да се потврдат извештаите за нападот и оти нема коментар од Русија.
