На руската војска и е наредено да ја прошири својата офанзива во Украина „во сите правци“ откако Киев одби да одржи разговори во главниот град на Белорусија, Минск, се наведува во денешното соопштение на Министерството за одбрана.
-Откако украинската страна го отфрли преговарачкиот процес, денеска сите единици добија наредба да ја прошират офанзивата во сите правци, во согласност со плановите на операцијата – се наведува во соопштението на портпаролот на руската армија, Игор Конашенков, пренесува МИА.
Сајтот „Киев Индипендент“ предмалку јави дека во главниот град, како и во неколку други градови низ земјата, е прогласена воздушна опасност.
