Прорускиот лидер на самопрогласената Народна Република Донецк, Данил Бесонов, на Телеграм напиша дека руските војници се повлекле од Изјум и од неколку други населени места во областа Харков, пишува „Киев Индипендент“.
На проруските канали на Телеграм се објавуваат информации дека украинските сили контролираат половина од Купјанск. Украински извори за рускиот огранок на Би-би-си изјавиле дека градот е ослободен.
Би-би-си јавува и дека на проруските канали се информира дека руските војници го напуштиле Изјум. Други канали јавуваат дека украинските војници се веќе во центарот на градот.
