Американскиот државен секретар Марко Рубио изрази надеж дека Ерменија и Азербејџан на нивниот претстоен самит ќе потпишат договор, што ќе стане прв чекор кон мировен договор, објави ерменска новинска агенција.
– Претседателот Трамп е посветен на мирот и е посветен на идејата да биде претседател на мирот – рече Рубио во интервју со водителот на „The World Over“, Рејмонд Аројо.
Американскиот претседател Доналд Трамп денеска ќе биде домаќин на ерменскиот премиер Никол Пашинјан и азербејџанскиот претседател Илхам Алиев на тоа што тој го нарече „Историски самит за мир“.
На мрежата Трут Соушл, Трамп објави дека Соединетите Американски Држави, исто така, ќе потпишат билатерални договори со двете земји за изнаоѓање економски можности. Тој рече дека многу време неговата администрација е во контакт и со Ереван и со Баку.
