Високиот претставник за надворешна и безбедносна политика на ЕУ, Жозеп Борел, денеска треба да предложи начин за поддршка на Украина во снабдувањето со оружје и муниција.
– Денес имаме важни одлуки на маса што треба да се донесат, не формално, туку политички. Ќе дадеме насоки за следниот состанок со министрите за надворешни работи. Прашањето е како подобро, побрзо и посилно да ја поддржиме Украина – изјави Борел.
Тој подвлече дека војната сѐ уште беснее и дека на Украина ѝ треба повеќе муниција, па министрите ќе разговараат како да ја обезбедат.
Предлогот на Борел е подготвен заедно со Европската служба за надворешни работи, Европската агенција за одбрана и Европската комисија.
– Прво, брзо да се обезбеди муниција од постојните залихи. Зборуваме неколку недели, така што треба да го искористиме она што веќе го имаме. за повеќе заедништво. Заеднички набавки на сите армии, да работиме заедно за да обезбедиме дел од оваа заедничка набавка на Украина, на среден рок – вели тој.
Министрите ќе разговараат и за долгорочна поддршка за Украина и како да се зголеми одбранбениот капацитет на индустријата на ЕУ.
– Не можеме сериозно да зборуваме за нашиот капацитет за автономна стратешка одговорност ако немаме доволно одбранбен капацитет во нашата индустрија. И работиме на тоа заедно со Комисијата и ќе видиме како можеме да го зголемиме овој капацитет – најави Борељ.
На новинарско прашање да одговори на тврдењата дека нападот на „Северен тек 2“ го извршила проукраинска група, Борељ вели дека не може да коментира работи за кои нема „јасни докази и информации“.
