Францускиот претседател Емануел Макрон се соочи со протести низ целата земја на Денот на трудот, бидејќи се обидува да ги смири социјалните немири поради зголемувањето на старосната граница за пензионирање. Популарноста на Макрон падна на речиси рекордно ниско ниво, постигнато за време на кризата на Жолтите елеци, откако тој ги осуди синдикатите и штрајковите во повеќе сектори и ја подигна старосната граница за пензионирање од 62 на 64 години.
Овој потег го зголеми гневот против претседателот бидејќи многу Французи го гледаат како рамнодушен кон нивните секојдневни тешкотии. Макрон беше пречекан со свирежи, удирање тенџериња и гаѓање додека беше излезен на прошетка. Синдикатите се надеваат дека повеќе од милион луѓе денеска ќе маршираат низ градовите и населените места.
-Овој 1 мај ќе биде пресвртница. Ќе кажеме дека нема да одиме напред додека не се повлече оваа реформа – рече Софи Бине, шеф на левичарскиот синдикат.
Лоран Бергер, шеф на реформскиот синдикат, рече дека владата на Макрон е глува на барањата на едно од најмоќните општествени движења во последните децении.
Макрон ја брани реформата и тврди дека е потребна за да се задржи во плус еден од најдарежливите пензиски системи во индустријализираниот свет, но синдикатите веруваат дека има и други решенија.
„Фич“ во петокот го намали кредитниот рејтинг на Франција за едно ниво на АА-, објаснувајќи дека потенцијалниот политички метеж и социјалните немири претставуваат ризици за агендата на Макрон.
