Шефот на руската дипломатија Сергеј Лавров денеска ги обвини западните земји дека се обидуваат да ги спречат преговорите за Украина.
– Тие само бараат изговор за да ги спречат преговорите – изјави Лавров во интервју за државниот телевизиски канал „Росија“.
Лавров го критикуваше и украинскиот претседател Володимир Зеленски, опишувајќи го како „тврдоглав, кој поставува услови, барајќи по секоја цена итен состанок“ со рускиот претседател Владимир Путин.
Тој одговарајќи на прашање за заканите од западните држави за нови санкции кон Русија ако нема преговори, потенцира дека тоа е „обид да се наруши процесот инициран од Путин и Трамп, а кој даде многу добри резултати“.
