Кина денеска го оцени како контрапродуктивна одлуката на Германија, Франција и Велика Британија да го активираат механизмот за враќање на меѓународните санкции против Иран поради неговата нуклеарна програма.
– Овој потег не е конструктивен и ќе му наштети на политичкиот и дипломатскиот процес за решавање на иранското нуклеарно прашање – изјави портпарол на кинеското Министерство за надворешни работи, нагласувајќи дека ситуацијата е на „пресвртна точка“.
Кина смета дека Советот за безбедност треба да охрабрува дијалог и преговори, а не да создава нова конфронтација што може да ја влоши или ескалира состојбата.
Берлин, Лондон и Париз ја иницираа постапката во ОН што може да доведе до повторно воведување санкции против Техеран по 30 дена, со образложение дека Иран го прекршува нуклеарниот договор од 2015 година, чија цел беше нуклеарните активности да останат исклучиво за мирољубиви цели.
