Напредниот токамак-реактор на Институтот за физика во кинескиот град Хефеи, познат како кинеско вештачко сонце, започна нова серија експерименти, јавува агенцијата „Синхуа“.
Новата рунда експерименти има за цел да го подобри системот на загревање на „вештачкото сонце“, што ќе го направи потопло и во исто време поиздржливо. Тестот ќе трае половина година.
Реакторот е дизајниран да го реплицира процесот на нуклеарна фузија што се случува на Сонцето секоја секунда. Откако беше отворен во 2006 година, реакторот стана една од најголемите меѓународни платформи за тестирање на фузија.
Тој веќе постави неколку рекорди за времетраење на супертопла плазма. Во јуни достигна температура од 160 милиони Целзиусови степени, што е околу 10 пати повисока од онаа што ја достигнува јадрото на Сонцето.
Реакторот е еден од трите големи токамаки (машини за производство на тороидални магнетни полиња за разграничување на плазмата) во Кина и е дел од фабриката за меѓународни експериментални реактори, која ќе стане најголемиот реактор за фузија во светот кога ќе почне да работи во 2035 година.
