Кинеската корпорација за воздухопловна индустрија (АВИЦ) ги претстави своите најнови воени и цивилни воздухопловни производи и технологии, истакнувајќи иновации, системски решенија и меѓународна соработка, на 55-от Париски воздухопловен саем, кој се одржа минатата недела на аеродромот „Бурже“ во близината на француската престолнина.
АВИЦ презентира вкупно 30 модели на авиони, кои опфаќаат осум категории на еднонеделниот саем. Меѓу нив, забележителен беше кинескиот J-35A од новата генерација, средно голем повеќенаменски стелт борец способен за воздушна супериорност и мисии за удар врз копнени и морски цели, кој го има своето прво меѓународно појавување. Покрај него, во центарот на вниманието беа и J-20, тежок стелт борец дизајниран главно за воздушна супериорност, и J-10CE, уште еден борбен авион опремен со врвните кинески ракети воздух-воздух со долг дострел PL-15E.
– J-20, Y-20, Z-20, J-35A и GJ-11 – овие системи претставуваат достигнувања на децении напорна работа. Верувам дека ќе продолжиме да развиваме уште понапредни ловци. Можеме да очекуваме многу нешта – рече Жу Ќиан, заменик-шеф на делегацијата на АВИЦ на Парискиот воздухопловен саем.
Кинеските цивилни беспилотни летала (БЛВ), вклучувајќи ги серијата хеликоптери „винг лунг“ и „сјуанге“, дебитираат на воздухопловниот саем. Од цивилна страна, во понудата беа вклучени амфибискиот противпожарен авион AG600M, авионот за подобрување на врнежите MA60, „винг лунг-2H“, беспилотно летало дизајнирано за помош при катастрофи, и хеликоптерот со средна големина AC352 – развиен заеднички од АВИЦ и „Ербас“ со седиште во Франција.
-Парискиот саем е еден од најпрестижните и највлијателни настани во воздухопловната индустрија. Тој служи како барометар на индустријата. Целта ни е да ја искористиме максимално оваа меѓународна платформа за да учиме од нашите глобални колеги и да растеме заедно – рече Ли Кингтанг, раководител на делегацијата на АВИЦ.
Годинашниот саем привлече повеќе од 2.500 изложувачи од речиси 50 земји и региони, кои ги донесоа своите најнови иновации во воените авиони, зелената авијација и вселенската технологија, меѓу другите области.
