Претседателот на САД, Доналд Трамп, изјави дека Вашингтон веќе ја добил војната со Иран, но нагласи дека американските сили ќе продолжат со операциите за да „ја завршат работата“, пренесе „Ројтерс“.
Говорејќи на митинг во стилот на изборна кампања во Хеброн, Трамп изјави дека САД постигнале брза воена предност во конфликтот.
– Никогаш не сакате прерано да прогласите победа, но ние победивме. Во првиот час беше готово – рече Трамп пред присутните.
Тој додаде дека американските сили собориле 58 ирански воени бродови и значително ги ослабеле воените капацитети на Иран.
И покрај тоа, Трамп истакна дека САД нема да го завршат конфликтот пребрзо.
– Не сакаме да си заминеме рано. Мораме да ја завршиме работата – рече американскиот претседател, додавајќи дека Вашингтон не сака повторно да се соочува со истата закана на секои неколку години.
Според него, американските операции досега „виртуелно го уништиле Иран“, но сигнализираше дека воените активности ќе продолжат во наредниот период.
