Околу 180 проектили денеска биле испукани од Либан кон цели во северниот дел на Израел, соопшти израелската армија (ИДФ). Засега нема извештаи за повредени или поголема материјална штета во нападите.
Службата за итни случаи на Исламскиот здравствен комитет, која е поврзана со Хезболах, соопшти дека 11 лица нивни персонал денеска биле убиени во израелските напади во јужен Либан.
Во соопштението се вели дека седум лица за итни случаи загинале во „директна ционистичка агресија врз тимовите за итни случаи“ во владината болница Марџајун, а четворица други загинале во два напада на друго место во јужен Либан.
