Партиите од владејачката коалиција во Холандија – „Демократи-66“, Народната партија за слобода и демократија и Христијандемократскиот апел – предлагаат минималната возраст за употреба на тутун и електронски цигари да се зголеми од 18 на 21 година.
Со оваа мерка трите партии сакаат да продолжат со спроведувањето на концептот за „генерација без пушење“. Коалицијата, исто така, предлага да се криминализира чувањето и одржувањето на залихи од ароматизирани вејп-уреди, кои се веќе забранети со закон.
Засега не е прецизирано од кога би стапила во сила повисоката старосна граница.
Претходно, психолози и медицински експерти за зависности веќе се изјаснија во прилог на зголемување на старосната граница на 21 година за тутун и електронски цигари. Според нив, младите сè поретко избираат класични цигари, но сè почесто користат вејп-уреди.
Со Националниот договор за превенција е предвидено Холандија до 2040 година да стане земја со „генерација без пушење“.
