Генералниот секретар на Обединетите нации, Антонио Гутереш, денеска, за време на состанокот со кинескиот претседател Си Џинпинг на маргините на безбедносниот форум во Тјенџин, изјави дека улогата на Кина во зачувувањето на мултилатерализмот е од суштинско значење.
– Во време кога мултилатерализмот е нападнат, поддршката на Кина е исклучително важен елемент што треба да се зачува – рече Гутереш, додавајќи дека светот гледа нови форми на политика кои понекогаш повеќе личат на претстава отколку на дипломатија и каде што бизнисот и политиката се мешаат, пренесуваат британските медиуми.
Кинескиот претседател Си Џинпинг, пак, рече дека Кина секогаш ќе биде „сигурен партнер“ на Обединетите нации и ќе продолжи да обезбедува „стабилност и безбедност“.
– Кина е подготвена да ја продлабочи соработката со Обединетите нации, ја поддржува нејзината централна улога во меѓународните односи и носи заедничка одговорност за зачувување на светскиот мир и поддршка – рече Џинпинг.
Кинескиот претседател и Гутереш се сретнаа во Тјенџин.
Гутереш е во Кина за да учествува на самитот на Шангајската организација за соработка, кој ќе се одржи од 31 август до 1 септември.