Судот во Париз ја прогласи лидерката на крајнодесничарската француска партија Национален собир, Марин Ле Пен за виновна за проневера на средства на Европскиот парламент. Пред да биде изречена пресудата, обвинителот покрај парична казна побара и затворска казна и пет години забрана за вршење јавна функција.
Марин Ле Пен и осум членови на Европскиот парламент се прогласени за виновни за проневера на фондови на ЕУ. Казната се чита поединечно, а според судијата претседавач Бенедикт де Пертуис, пресудата ќе биде долга бидејќи содржи „бројни објаснувања за одлуката“. Се очекува читањето на пресудата да трае неколку часа.
Исходот од денешната пресуда може да ја спречи Ле Пен да се кандидира за претседател на Франција во 2027 година – јавуваат француските медиуми.
Партијата Национален митинг, која ја смета Ле Пен за фаворит меѓу потенцијалните кандидати во претседателската трка, го опиша судењето како политички мотивирано – јавуваат француските медиуми.
Ле Пен и нејзините сопартијци, членови на Европскиот парламент, со години се обвинети дека воделе масовна шема за проневера на европските фондови.
Тие се обвинети дека користеле пари наменети за асистенти на европските парламенти за плаќање на партиските работници во Франција.
Обвинителот побара Ле Пен да биде казнета со 300.000 евра и 10 години затвор. На Марин Ле Пен и се заканува забрана за вршење јавна функција во следните пет години, која ќе стапи во сила веднаш, дури и ако се поднесе жалба.
