Косовскиот премиер Рамуш Харадинај изјави денеска дека трансформацијата на Заштитните сили на Косово (ФСК) во војска на Косово не е можно да се направи со уставни промени, поради противењето на најголемата партија на косовските Срби, Српската листа.
За промена на Уставот, рече Харадинај, потребно е да гласаат две третини од пратениците на Листата, што е невозможно да се очекува, со оглед на категоричниот став на партијата, но и на официјален Белград, против формирање косовска војска.
– Регулирањето преку уставната основа како опција, е речиси невозможно, бидејќи се потребни квалификувани две третини, што значи и од пратениците Срби. Со оглед дека така стојат работите, тешко ни е да калкулираме дека ќе ги имаме тие гласови. Во одреден момент ќе бидеме принудени да ја регилираме војската на Косово со закон, изјави Харадинај по денешната седница на Министерскиот совет за европски интеграции.
