Почетокот на преговорите за членство на Македонија во ЕУ не зависи од идната бугарска влада, туку од самата Македонија. Ова го изјави бугарскиот претседател и кандидат за втор мандат Румен Радев, јавува БГНЕС.
– Клучот за почеток на преговорите со ЕУ за РС Македонија е во почитувањето на правата на македонските Бугари, во искоренувањето на јазикот на омразата и во прекинот на обидите за систематско уништување на бугарското културно историско наследство. Почетокот на преговорите нема да зависи од следната нова влада и нов парламент, туку од РС Македонија, која ќе мора да преземе соодветни мерки. Убеден сум дека само со отворен дијалог меѓу Софија и Скопје ќе ги изградиме искрените пријателски односи што ги очекуваат луѓето од двете страни на границата – рече Радев.
